Conferencia do máster DEIN: "Estratexia e innovación en Galicia: facendo inventario e ollando ó futuro"

O

 O catedrático de Organización de empresas da UVIGO Xosé Henrique Váquez, ofreceu o martes 2 de abril, unha conferencia sobre a estratexia e innovación empresarial en Galicia organizada polo máster DEIN

Os profesores Luis Otero e Pablo Durán presentaron o libro "Determinantes de la performance de los fondos de pensiones"

Os profesores da USC Luis Otero e Pablo Durán presentaron o martes 2 de abril no salón de graos da Facultade o libro "Determinantes de la performance de los fondos de pensiones" resultado dun traballo de investigación no que se analizan os 1.330 fondos de pensións individuais que actualmente se comercializan en España e que están dispoñibles a 31 de decembro de 2016 na base de datos Morningstar. O obxectivo do traballo é orientar a investidores individuais, xestores e asesores financeiros no seu proceso de decisión de investimento. 

Xornada de Competencias Profesionais organizada polo Colexio de Economistas de A Coruña

Hoxe, mercores 27 de marzo na aula C da Facultade, o alumnado dos últimos cursos dos graos en ADE e Economía tivo a oportunidade de coñecer na Xornada de Competencias Profesionais organizada polo Colexio de Economistas de A Coruña, as diferentes carreiras profesionais que poden desenvolver ó rematar os estudos. Participaron na xornada presentada por Xoán Ramón Doldán García: Jorge Borrajo Dios, Alfonso Lopez Pena, Pedro Veiga Fernández e Miguel A. Vázquez Taín.

Conferencia do Máster en Economía: "A economía do Blockchain e as Cryptomoedas"

Nunha semana chea de interesantes seminarios e conferencias na Facultade, o Máster en Economía organizou unha conferencia de gran actualidade "A economía do Blockchain e as Cryptomoedas", impartida por Alejandro Regojo.

Presentación do informe: "Competencias profesionais dos economistas: realidade actual e tendencias de futuro"

A profesora María Bastida presentou hoxe mércores 13 de marzo na Facultade o informe titulado "Competencias profesionais dos economistas: realidade actual e tendencias de futuro". No acto tamén participarán José Diez de Castro, Director Xeral de Universidades da Xunta de Galicia; Xoán Doldán García, Decano da Facultade de C.C. Económicas e Empresariais da USC e o profesor e presidente do Consello Galego de Economistas Miguel Vázquez Taín.

Seminarios do Master en Desenvolvemento Económico e Innovación

O Master DEIN organiza hoxe martes 12 de marzo e mañá mércores dous seminarios de gran interese en materia de innovación ós que pode asistir todo o alumnado da Facultade xa que a entrada é libre.

O grupo GEM Galicia presentou o pasado luns 11 de marzo un informe sobre o emprendemento en Galicia na última década desde unha perspectiva de xénero.

O proxecto GEM, observatorio da actividade emprendedora en Galicia, presentou na Facultade de Ciencias Económicas e Empresariais o informe monográfico 10 anos de emprendemento en Galicia: un enfoque de xénero, no que se analiza o perfil da persoa emprendedora durante a última década. O acto contou cunha mesa redonda na que participaron o director xeral de Universidades, José Díez de Castro; a directora de Executivas de Galicia, Carla Reyes; a coordinadora de Woman Emprende, Eva López, e a coordinadora de GEM-Galicia, Isabel Neira, que remarcaron a importancia do emprendemento no tecido empresarial e animaron aos asistentes a pór en marcha novas iniciativas de negocio. 

Coloquio:

“A CARREIRA PROFESIONAL DAS EX ALUMNAS DA FACULTADE DE CIENCIAS ECONÓMICAS E EMPRESARIAIS DA USC”

Destacadas ex alumnas da nosa Facultade participaron este xoves 7 de marzo nun coloquio sobre a súa carreira profesional que se celebrou  ás 12.30 horas na Aula B do Centro. 

No coloquio moderado pola catedrática de Historia e Institucións Económicas da USC María Xosé Rodríguez Galdo participaron como entrevistadores/as un grupo do alumnado de 3º e 4º curso dos Graos en Economía e ADE.

As participantes foron Pilar Alves Moreno, coordinadora xeral de RSC e Institucional de Afundación/Abanca; Lourdes Baliñas Antelo, responsable financeira e Control de Xestión en Denso Sistemas Térmicos España;  Elena Espinosa Mangana, adxunta á Presidencia do Grupo Rodman e que foi Ministra de Agricultura, Pesca e Alimentación e de Medio Ambiente, Medio Rural e Mariño, Yolanda Pena Boquete, directora do departamento de investigación da spin-off da USC AYeconomics Research Centre e Belén Solla Medina, que recentemente comenzou a traballar no departamento financeiro de Abanca Vida y Pensiones de Seguros y Reaseguros, S.A.U. tras desempeñar diferentes cargos nas grandes firmas de auditoría.

CHARLA "ECONOMÍA E XÉNERO"

O pasado mércores 6 de marzo tivo lugar ás 12h no Salón de Grados da Facultade de CC. Económicas e Empresariais a charla: “ECONOMÍA E XÉNERO”, organizada pola asociación estudiantil ANEGA. 

A charla estivo moderada pola profesora do Departamento de Economía Aplicada, Pilar Murias Fernández, Vicedecana de Estudantes e Relacións Internacionais e nela interviñeron:

Eva Aguayo Lorenzo, profesora do Departamento de Economía Cuantitativa

Rosa María Reguiero Ferreira, Profesora do Departamento de Economía Aplicada e 

Mª Xosé Rodríguez Galdo, Catedrática de Historia e Institucións Económicas.

Presentación de Deloitte

O venres 15 de febreiro a responsable de Recursos Humanos e máis o responsable da área de Asesoramento Fiscal de Deloitte en Galicia fixeron unha presentación na Facultade dos servicios que ofrece a firma, da carreira profesional na súa empresa e o proceso de selección que van desenvolver durante estes próximos meses animando a participar no mesmo ó alumnado.

Os profesores da Facultade: Xosé A. Rodríguez, Fidel Martínez Roget e Pilar González-Murias reciben o premio "Valentín Paz Andrade"

 

 

 

O Instituto de Estudos e Desenvolvemento de Galicia da USC (IDEGA) entregou o xoves 14 de febrero o Premio ‘Valentín Paz Andrade’ de investigación en Economía de Galicia, convocado conxuntamente polo IDEGA e o Consello Económico e Social.

Na modalidade de traballos en revistas ou editoriais, recoñeceuse o traballo de Xosé A. Rodríguez, Fidel Martínez Roget e Pilar González-Murias, co artigo ‘Length of stay: evidence from Santiago de Compostela’ publicado na revista Annals of Tourism Research. Na concesión, o xurado destacou “o carácter novidoso do traballo e a súa exhaustividade, cunha rigorosa análise estatística que permite tirar conclusións relevantes para o deseño da política turística na área de Santiago de Compostela”.

Na entrega de premios, presidida polo reitor Antonio López, participaron a presidenta do Consello Económico e Social de Galicia, Corina Porro Martínez; o presidente da Fundación Feiraco, José Montes Pérez; e o director do IDEGA, Alberto Meixide Vecino.

Con anterioridade á entrega protocolaria de premios, o profesor Edelmiro López Iglesias presentou o relatorio ‘As transformacións socioeconómicas de Galicia no último medio século: un proceso histórico á espera dun relato’.