A Xunta da Facultade de Ciencias
Económicas e Empresariais da USC aprobou en marzo de 2007 a creación dun premio, denominado FULGET,
de periodicidade anual, para unha empresa ou colectivo empresarial de carácter
galego, en recoñecemento a súa colaboración en accións encamiñadas a mellorar
as relacións entre a actividade académica da Facultade e a súa contorna
profesional. Entre os criterios de valoracións inclúese a experiencia da
empresa na colaboración coas actividades desenvolvidas na facultade e na
formación dos nosos estudantes, a súa contribución no ámbito social da USC e a
súa aposta polo desenvolvemento sostible. Nesta VII edición o Premio recaeu na empresa Financiera Maderera S.A. (FINSA).
Pioneira na fabricación de taboleiros
aglomerado na Península Ibérica, a empresa, fundada en 1931, mantivo un
crecemento sostido, ata converterse no líder español do sector de produtos
elaborados da madeira, situándose entre as 10 primeiras empresas a nivel
europeo. O Premio entregarase o dia 8 de abril no acto de celebración do Patrón da Facultade.