CONFERENCIA DE APERTURA DO CURSO

No acto de apertura do curso académico 2013-2014 na nosa Facultade, que se celebrou o 2 de outubro na aula B, contamos este ano con Philippe Alluard, presidente de TAG Heuer Iberia, África e Mediterráneo, quen falou sobre “: ¿Por qué algunas marcas perduran más de 150 años y otras desaparecen en 5 años?”.

Philippe Alluard apadriñou á primeira promoción de graduados en ADE, que remataron no curso 2012-2013. Así mesmo, TAG Heuer en colaboración coa xoiería Jael de Santiago crearon os “Premios TAG Heuer-Jael”, que se concederon aos estudantes desta promoción en tres categorías: ao mellor expediente académico, ao estudante máis proactivo e ao mellor compañeiro/a da promoción. Este último foi entregado no acto de graduación o pasado mes de xuño, e correspondeulle (por goleada) a Diego Silva Piñeiro. Os dous primeiros foron entregados no transcurso do mencionado acto de apertura, e corresponderon a: Mellor expediente: Helena Figueiras Vázquez; Estudante mais proactivo: Ruben Suárez Lareo. Cada un deles foron premiados cun reloxo da marca TAG Heuer, modelo Carrera, que cumple xa 50 anos.

 

DEBATE PARLAMENTARIO (CDC)

O Club Debate Compostela (CDC) comeza as súas actividades do curso 2013/2014 con debates de exhibición nas Facultades de Matemáticas e de Ciencias Económicas e Empresariais.  Concretamente neste centro terá lugar un debate de tipo parlamentario británico co tema "A independencia de Catalunya".

O CDC e a Facultade de CCEE queren invitar a todos os estudantes a presenciar este debate e coñecer máis de cerca o mundo do debate e a oratoria.

A cita é o vindeiro martes día 1 de outubro as 17:00 h na aula A.

 

 

 

BENVIDOS E BENVIDAS AO CURSO 2013-14

Xa estamos de volta! Con enerxías renovadas e moito optimismo de cara a o novo curso. No acto de benvida que organiza todolos anos a facultade para os alumnos e alumnas de primeiro curso, interviron a Decana da Facultade, Emilia Vázquez e o Vicedecano de Estudantes, Alejandro Ballesteros, así como representantes dalgunhas das asociacións de estudantes presentes no centro. Na presentación, nunha abarrotada aula B, os intervintes falaron de diversos aspectos das titulacións, da organización interna da facultade, das infraestructuras, dos servizos  e recursos específicos para o estudantado, e animaron aos novos alumnos a participar de xeito activo na vida universitaria, facendo uso das distintas propostas culturales, deportivas, voluntariado e actividades complementarias que oferta a USC.

Guia do estudantado da Facultad

 

I PROMOCION DE GRADUADOS/AS EN A.D.E. DA USC

NORABOA!

Esta é a I Promoción de Graduados en Administracion e Dirección de Empresas da Universidade de Santiago. Foron apadriñados por Philippe Alluard, Presidente de Iberia, África e Mediterráneo da marca de reloxos e cronógrafos de luxo Tag-Heuer, que estivo representado no acto de graduación, celebrado o pasado 8 de xuño, por Blanca Panzano, Directora de marketing da empresa.

 

Esta firma convocou para os graduados/as desta promoción os Premios Tag-Heuer 2013, nos que tamén colabora a xoiaría Jael de Santiago. Os premios teñen por obxecto recoñecer os valores académicos e personais demostrados ao longo da carreira entre os estudantes desta promoción, e inclúen tres modalidades. Un deles, ao MELLOR COMPAÑEIRO/A DA PROMOCION, foi concedido, por votación dos propios estudantes, a Diego Silva, e foi entregado no transcurso do acto de graduación. Na web da Facultade (pincha aqui) pódense descargar as bases que regulan as outras dúas modalidades, que serán falladas en setembro, concretamente.

A) Ao MELLOR EXPEDIENTE ACADÉMICO, que recoñece os resultados académicos obtidos ao longo de toda a carreira.

B) Ao ESTUDANTE MÁIS PROACTIVO, que recoñece a iniciativa dos estudantes na participación en actividades complementarias ás que marca o propio CV académico, así como a súa implicación en accións que complementan a súa formación integral.

“La vida es una sucesión de oportunidades; en tu mano está agarrarlas o no”

Philippe Alluard, presidente de TAG Heuer Iberia, África y Mediterráneo.

Xornadas sobre cooperativas

O vindero 5 de xuño terá lugar na Facultade unha nova xornadas do ciclo "Súbeos ao emprego. Unha oportunidade en tempos de crise. Emprende cooperativas", promovidas pola Dirección Xeral de Cooperativas e Economía Social da Xunta de Galicia. Trátase dunha boa oportunidade para coñecer as vantaxes e particularidades do emprendemento en cooperativas fronte a outras formas xurídicas, a través de relatorios e experiencias de emprendemento cooperativo, así como un conxunto de recursos e ferramentas actuais para promover a inserción laboral. 

Tamén podes descargar o programa aquí.

 

 

PROGRAMA ARGOS: Creando Equipos Emprendedores

No contexto de crise que estamos vivindo, hoxe máis que nunca faise necesario impulsar e apoiar aos emprendedores, que son a base do tecido produtivo da sociedade. Todos os organismos con competencia na materia, desde os europeos ata os autonómicos, están adoptando medidas e actuacións encamiñadas ao fomento do emprendemento. Neste senso, a Área de Valorización, Transferencia e Emprendemento da USC (AVTE), Uninova e as Facultades de Ciencias Económicas e Empresariais de Santiago e Administración e Dirección de Empresas de Lugo queren facer un especial esforzo para dinamizar á comunidade universitaria en todo o referente á creación de empresas.

Con este Programa preténdese identificar a potenciais emprendedores e axudalos a crear empresas en colaboración cun equipo multidisciplinar. Dotalos dos coñecementos dun modelo empresarial contrastado así como das ferramentas adecuadas para a súa formación empresarial e para desenvolver o seu proxecto. 
Máis información aquí.

Conferencia MASCOMEX

No marco das actividades do Master en Dirección e Xestión de Comercio Exterior, vaise celebrar a conferencia "Design as an Agent of Change in the Enterprise", impartida por Phil Dickinson, un dos máis destacados deseñadores e creativos do sector da moda en prendas deportivas. Na súa dilatada experiencia profesional vinculada ás principales multinacionales do sector (Nike, Umbro e Goose), destaca especialmente su trayectoria en NIKE, unha empresa na que durante máis de 15 anos, desde seu posto de Director Creativo, foi protagonista dos numerosos cambios na súa estratexia de deseño e marketing, que a levaron a convertirse na líder mundial neste sector. A cita, aberta a todos/as os/as interesados/as, é o luns 6 de maio ás 16:00 horas no Salón de Graos da Facultade.

Actividades da semana na facultade

Temos unha semana plagada de actividades abertas a todos os estudantes. Tomade nota!

• Mércores, 24 abril, ás 12:00 h no Salón de Graos.

Mesa redonda de clausura do ciclo de seminarios "Empléa-T". Contaremos con responsables de recursos humanos de empresas e doutras entidades que nos falarán das competencias e dos requisitos que na situación actual máis valoran os empregadores nos alumnos recén titulados. O debate conta co atractivo adicional de que unha unidade móbil de Radio Voz se trasladará á Facultade para gravar o debate, que dirixirá Eva Millán, e que será emitido o dia seguinte no seu programa. Os convidados ofrecerán claves interesantes acerca de como construír un currículo profesional de cara a axustarse ás demandas reais dos empregadores.
Participan: Álvaro Cela del Río (director de RR.HH. de CXG CORPORACIÓN CAIXAGALICIA), Wilfredo Meléndez Sancosmed (director de RR.HH. de Ges Consultores), Roberto Pereira (decano do Colexio de Economistas da Coruña)

• Xoves, 24 abril, ás 18:30 h na aula 10.

Seminario sobre "Definicion de modelos de negocio a través do Canvas". Abordaranse os aspectos xerais desta metodoloxía desde un punto de vista teórico, deixando a aplicación práctica para un taller posterior. Esta sesión vai ser dirixida polo profesor Fernando Picón Garcia, do departamento de Organización de Empresas, que é promotor e consultor do Grupo OBZ (www.obz.es).

• Venres, 26 de abril, ás 12:00 horas na aula 4.

Seminario "Inward Foreign Direct Investment in the European Union. Regional distribution and determinants", organizado polo Master en Desenvolvemento Rexional e Integración Económica, que impartirá o profesor José Villaverde da Universidade de Cantabria.

CONFERENCIA MASTER DEIN

O mércores 24 de abril, ás 17:00 h na aula 6, teremos como profesor invitado a Ihering Guedes Alcoforado, Profesor de Economía Aplicada da Universidade Federal da Bahia (Brasil). Especializado en Política e Planeamento, o profesor Alcoforado actúa principalmente nas áreas de política económica, ambiental e urbana, a partir dun cadro analítico neo institucionalista configurado na análise económica do dereito, en especial da economía do dereito de propiedade, economía dos contratos e economía da responsabilidade civil.

A conferencia que impartirá, baixo o título A regulamentação ambiental na fronteira tecnológica: o caso da prospecção e exploração de petróleo de aguas profundas, está baseada no traballo publicado na Revista Economic Analysis of Law Review, e titulado O Instituto da Responsabilidade e a Exploração de Petróleo em Águas Profundas. Pódese acceder ao mesmo no seguinte enlace: http://portalrevistas.ucb.br/index.php/EALR/article/viewArticle/1%20EALR%20301

A conferencia está dirixida aos estudantes do Máster en Desenvolvemento Económico e Innovación pero tamén a todas as persoas interesadas, sen necesidade de confirmar asistencia.

Pedro Varela, mención de honra do Ministerio de Educación

O Ministerio de Educación concede a Mención de Honra da convocatoria dos Premios Nacionais de Fin de Carreira Universitaria (2009-2010) a Pedro Varela Vázquez, Licenciado en Economía pola Facultade de Ciencias Económicas e Empresariais e titulado no Máster Universitario en Desenvolvemento Económico e Innovación.

A Mención de Honra constitúe un recoñecemento á súa traxectoria académica durante os seus estudos na USC. No ano 2010 concédeselle o Premio de Fin de Carreira desa Facultade e na actualidade é investigador no Departamento de Economía Aplicada, no que está realizando a súa tese de doutoramento, que aborda a temática das políticas públicas e o impacto económico do sector da enerxía eólica en Galicia. Como resultado da súa participación en actividades científicas, recentemente obtivo o Premio á Mellor Comunicación no I Encontro Mocidade Investigadora 2012.
Moitas felicidades Pedro!

Actos do Patrón da Facultade

O pasado mércores tivo lugar o acto conmemorativo do Patrón da facultade, San Vicente Ferrer, festividade que se celebra o 5 de abril. A primeira intervención foi a de Jaime Barreiro Gil (Chuspe) que fixo unha lembranza do profesor Ceferino Díaz Díaz, recentemente falecido. A continuación, interviu o profesor Miguel Cancio, un dos que se xubilan no presente curso académico. De seguido, no acto se fixo entrega dos premios creados pola Facultade: por una banda, o premio Fulget 2012 ao Hostal dos Reis Católicos, e por outra banda, aos outorgados na II edición do concurso de pintura CreArte na Universidade 2013. O xurado, formado por Francisco Durán, Emilia Vázquez, Juan Monterroso, Cristina Carballedo e Xurxo Martiño, outorgaron o premio (único) a Javier Sande Iglesias, pola súa obra Paisaxe na néboa. Ao tempo outorgouse unha mención especial a Yonatan Castro Cambre polo seu Collage.



Paixase na néboa. Premio CreArte 2013

Collage. Mención especial

Na categoría de premios académicos, foron entregados diplomas aos seguintes estudantes:

• Premios extraordinarios de doutoramento 2009-2010: María Milagros Vivel Búa e José Lebrancón Nieto.
• Premios fin de máster 2011-2012: Fernando Corbelle Cacabelos (M. Desenvolvemento Rexional e Integración Económica); Raúl Clemente del Pozo (M. Dirección de Empresas); Flavia Sá Barreto Cruz (M. Dirección e Planificación do Turismo); Óscar Rico Pereiro (M. Economía: Organización Industrial e Mercados Financeiros); Daniel Gesto Suárez (M. Turismo Urbano e Xestión de Empresas Turísticas); e Susana Fernández López (M. Desenvolvemento Rexional e Innovación).
• Premios extraordinarios de licenciatura 2011-2012: Economía: Gemma Iglesias Breijo. D. Jorge Javier Lojo Santiago. ADE: Celestino Coello Espasandín e María Isabel Moscoso Ramos.
• Premios á Calidade Lingüística dos Traballos Académicos 2011-2012: Na modalidade traballos académicos: 1º premio: deserto; 2º premio: Hugo Baltasar del Valle-Inclán Cruces co traballo Economía tabú. Na modalidade traballos fin de grao: Inés Freire Lista co traballo Os efectos das privatizacións.

O acto foi pechado polo Vicerreitor de Estudantes e Cultura, Francisco Durán, que deu paso a Bieito Barreira, que interpretou, para rematar, unha fermosa peza musical á guitarra.

Galeria fotos