Os días 16 e 17 de abril acollimos na Facultade o Talent´s Loop, un programa que busca mellorar as habilidades do estudantado de
cara á busca de emprego de xeito exitoso. Este proxecto foi deseñado
especificamente para estudantes da USC, co patrocinio da Cátedra Bancaja Mocidade Emprendedora da USC, poñendo a énfase nos aspectos chave que
as persoas que se graduarán en breve precisan coñecer para dar o paso ao
mercado laboral. Non se trata dunha formación ao uso, é un proxecto cun xiro de 360º para
aportar os coñecementos prácticos que
realmente se demandan hoxe en día no ámbito profesional. O novo paradigma
laboral, conformado nos últimos anos, precisa de novas estratexias para
aumentar as posibilidades de éxito, e precisamente isto é o foco principal no que se centra a formación ofrecida nestas dúas xornadas: a mellora
da empregabilidade das persoas novas
O programa estivo estructurado en dúas liñas complementarias: a Formación
na Aula e o Adestramento Persoal. Nas sesións na aula traballáronse a marca persoal, as novas fórmulas de busca de emprego, as habilidades sociais e as habilidades de comunicación. No Laboratorio de Emprego instalado no hall de entrada da Facultade traballáronse de forma persoalizada estas competencias ao longo dun proceso estruturado en 6 fases
no que se simulou un proceso de selección real. Deste xeito, as persoas participantes puideron poñer en práctica os coñecementos adquiridos nas aulas e solucionar as súas dúbidas particulares tal e como ocorre na vida real.
Os pasos deste especial laboratorio foron:
1. Constrúe a túa imaxe
2. Os seis segundos de vida do Currículo Vitae
3. Supera as entrevistas con
éxito
4. Amosa o teu speech
5. Brilla nas dinámicas de selección
6. Adestramento nun espazo de networking
Noticia en La Voz de Galicia (17 abril 2015)
Galería imágenes:
No hay comentarios:
Publicar un comentario