I Xornadas de Economía Agraria

A Liga Estudiantil Galega, xunto co Sindicato Labrego Galego,organiza as I Xornadas de Economía Agraria os próximos días 28 e 29 de febreiro, no Salón de Graos da Facultade de CC. Económicas e Empresariais. No programa participan diversos profesores do Dep. de Economía Aplicada e membrs do SLG, en dúas completas xornadas co seguinte programa:

Martes, 28 Febreiro

     11:30- “Inauguración das Xornadas”
     12:00- “A soberanía alimentaria como garantía de futuro”
                 Lidia Senra, Membro da Executiva Nacional do SLG
     16:30- “Que medio rural para a Galiza do século XXI ? Algunhas cuestións para
                 o debate” Edelmiro López Iglesias, Prof. Dr. do Dep. de Econ. Aplicada,
                 experto en economía agraria
     18:00- “Ameazas actuais sobre a produción de alimentos na Galiza (PAC-
                 Terra-Auga)” Carme Freire, Sec. Xeral do SLG

Mércores, 29 Febreiro

     10:30- “Os transxénicos: un negocio para quen?”
                Xosé Ramón Cendán, Membro da Executiva Nacional do SLG
     12:00- "É posíbel o emprendemento no rural galego?"
                 Con labregos da Comarca de Compostela e Gonzalo Rdríguez, Prof. Dr. do
                 Depart. de Econ. Aplicada da USC e experto en Desenvolvemento Local
     16:00- “O rural galego en tempos de colapso enerxético”
                 Xoán Doldán, Prof. Do Depart. de Econ. Aplicada da USC e experto
                 en cuestións enerxéticas
     18:00- “O cooperativismo en Galiza”
                 Manuel Jordán, Prof. do Dep. de Econ. Aplicada da USC e Coordinador
                 Científico do “Libro Branco do Cooperativismo en Galicia”
     19:30- “Clausura das Xornadas”

Entrega do Premio de Pintura "CreArte na Universidade"

A Facultade de Ciencias Económicas e Empresariais entregoulle este mércores á profesora da USC María del Carmen Torres Maroño o premio do Concurso de pintura ‘CreArte na Universidade’, convocado polo mesmo centro no marco da súa Quincena Cultural. O xurado recoñeceu ademais como finalista a obra de Xoán Xosé Turnes Santos.

 

No acto de entrega, que contou coa actuación musical da clarinetista e alumna do centro Raquel Fernández Fernández, o decano da Facultade de Xeografía e Historia e membro do xurado, Juan Manuel Monterroso Montero, fixo un percorrido polas obras dos fondos da facultade recentemente restauradas que están expostas na Aula Tomé. A estes fondos incorpórase agora a obra gañadora desta primeira edición do certame CreArte.

O xurado estivo composto pola decana da Facultade de Ciencias Económicas e Empresariais, Emilia Vázquez;  o vicerreitor de Estudantes, Cultura e Formación Continua, Francisco Durán; o profesor Juan Manuel Monterroso; o artista gráfico Xurxo Martiño; e a comisaria de exposicións  Cristina Carballedo.

Posta en marcha da Aula Novos Emprendedores 2012

O mércores 1 de febreiro inaugúrouse a Aula Novos Emprendedores, unha iniciativa da Cátedra Bancaja Novos Emprendedores da USC. Na xornada, inaugurada polo Reitor da USC, a Directora Xeral do BIC Galicia e a Decana do centro, presentáronse as distintas actividades que se van desenvolver neste programa ao longo dos próximos tres meses, e que están relacionadas coa formación emprendedora dos estudantes.

Asimesmo, celebrouse unha mesa redonda na que tivemos ocasión de coñecer as experiencias emprendedoras de  Iago Pazos y Marcos Cerqueiro, de Abastos 2.0;  Carlos Fernández, de Moonbite-games; y Xacobe Sanz, de Ilusiones Mágicas, tres casos que demostran que aínda existe capacidade de innovación en todos os ámbitos empresariais.
Dous integrantes do Club Emprende M.A.S. (Mocidade Activa e Sinerxias) explicaron os obxectivos desta agrupación nacida no seno da Aula do año pasado e animaron a todos os compañeiros a formar parte deste proxecto. Por último, Xacobe Sanz cerrou a xornada cunha actuación de maxia.
Máis información: http://www.catedrabancajausc.es/

Certificación de calidade para o noso centro

Hoxe, a Vicerreitora de Calidad da USC fixo entrega á responsable de calidade da Facultade, Mercedes Tato, do certificado Fides-Audit que otorga a ACSUG, ANECA e AQU Catalunya conxuntamente, e que avala o traballo deselvolvido polo centro para garantir a calidade da súa oferta educativa e impulsar unha cultura de avance continuo.

Estudo sobre o "turismo académico"

Tres profesores da Facultade, Xosé A. Rodríguez González, Fidel Martínez Roget e Ewa Pawlowska, teñen aceptado o traballo "Academic tourism demand in Galicia, Spain" na prestixiosa revista Tourism Managament, no que poñen de manifesto a importancia do “turismo académico” en Galicia. Con este termo se fai referencia ás actividades realizadas polas persoas durante as súas estadías, de duración inferior a un ano, nas institucións de educación superior e fora do seu lugar de residencia habitual. O traballo ten un interese adicional posto que propón unha serie de recomendacións de cara ao deseño de políticas efectivas dirixidas a este segmento de turismo.

Nesta área de investigación a revista Tourism Management é a que conta co maior índice de impacto no Journal Citation Report (JCR).

Presentación do programa do XIX Encontro de Economía Pública

O XIX Encontro de Economía Pública, baixo o lema ‘Políticas Públicas para a saída da crise’, reunirá a finais deste mes a profesores de preto de trinta universidades españolas así como de Melbourne, Galway, Torino, Michoacán, Copenhague, Atlanta ou Maryland, xunto a expertos da Comisión Europea, do Bundesbank, do Banco de España, do Banco Central Europeo ou do Consello de Contas, entre outros. (Xornal do 13/01/2012)
Toda a información na páxina web do XIX Encontro de Economía Pública.

Conferencia do Conselleiro de Industria no Mascomex

O alumnado da vixésimo primeira edición do Máster en Dirección e Xestión de Comercio Exterior da USC contou coa intervención no programa docente do conselleiro de Economía e Industria, Javier Guerra, quen animou ao alumnado na súa traxectoria formativa por atoparse nun ámbito de “enormes oportunidades de crecemento”. (Xornal do 12/01/2012)

Conferencia sobre o panorama económico internacional e español

No marco do programa de colaboración que vimos desenvolvendo desde a Facultade con diversas entidades, o Club Financiero de Santiago invitou as nosas aulas ao profesor Javier Díaz Jiménez, que impartiu unha conferencia sobre O panorama económico internacional e español, o mércores, 30 de novembro, ás 18:30 h na aula Andrés Suárez.

O profesor Díaz Jiménez é licenciado en Ciencias Económicas por a Universidad Autónoma de Madrid e doctor en Economía por a Universidad de Minessota. Actualmente desenvolve a súa labor docente no IESE Business School, en Madrid.

Profesores/as da Facultade premiados/as nos Premios á Introdución da Perspectiva de Xénero na Docencia e na Investigación

O reitor da Universidade de Santiago presidiu hoxe o acto de entrega da segunda edición dos Premios á Introdución da perspectiva de xénero na docencia e na investigación na USC. No acto celebrado no Salón de Graos da Reitoría, varios profesores/as do noso centro foron premiados.

Co traballo titulado "Introdución á perspectiva de xénero no ensino da econometría na USC" as profesoras Eva Aguayo, Ana Iglesias e Carmen López, do Departamento de Economía Cuantitativa, obtiveron o primeiro premio na modalidade de Docencia. Asimesmo, na modalidade de Investigación, os profesores Adolfo Carballo, Mª Dolores Álvarez e María Bastida, do Departamento de Organización de Empresas, obtiveron o terceiro premio polo traballo "Desenvolvemento dunha cultura amigable coa familia". Noraboa a todos/as!

Noticia Xornal USC

Amplíase o prazo de presentación de obras ao I Concurso de Pintura "CreArte na Universidade"

A Facultade de Ciencias Económicas e Empresariais amplía ata o 12 de decembro o prazo para presentar obras ao I Concurso de Pintura ‘CreArte na Universidade’. No certame pode participar toda a comunidade Universitaria da USC. As bases establecen que só se pode presentar unha obra por artista, de temática libre, que deberá ser inédita e non estar premiada noutro certame. A dimensión da obra non poderá ser inferior a 70x70 centímetros nin superior a 120x120.

XXV Aniversario de la Promoción de CC. Empresariales 1981-86

La promoción 1981-1986 de la licenciatura en Ciencias Empresariais de la Universidad de Santiago celebró ayer su veinticinco aniversario en un acto que presidió el rector Juan Casares en el Salón de Grados donde estudiaron. Acompañaron al rector en la mesa la decana del centro, Emilia Vázquez, y la profesora Loreto Fernández, en representación de la promoción. Además, intervinieron en el acto los exalumnos Rafael Silva, gerente de La Rosaleda, y Javier Insua, de Jealsa, y el profesor José Antonio Redondo, docente de la promoción (La Voz de Galicia)